Premio Josep Pla

O Premio Josep Plá é un galardón literario que Ediciones Destino concede en Barcelona, desde 1968, a un texto en prosa escrito en lingua catalá, aberto a tódolos xéneros: novela, conto, relato, libro de viaxes, memorias, biografía, diario etc.

É un dos premios máis prestixiosos que se conceden á literatura en catalán. A entrega do premio ten lugar cada 6 de xaneiro, durante a noite do día de Reis, no hotel Palace de Barcelona (anteriormente coñecido como Ritz),^[1] onde se reúnen as máis prestixiosas personalidades da cultura catalá.

A contía do premio é de 6.000 € tal e como se reflicte nas bases do premio para o ano 2008.

1. ↑ Anglés, Marisa (13-07-2015). "El antiguo Ritz y sus habitaciones doradas". expansion.com. Consultado o 07-01-2018.